Thursday, 9 June 2011

Woorde van Koue Vuur - Koos Du Plessis

die kole gloei soos vroeër aande
maar die vuur is in my kop

en 'n ysige wind skroei my hande
vas om die beker met dop
die ryp is 'n vlam om my voete
maar die koue brand in my bors

en ek drink en ek dink aan die soeter
wyn teen die groter dors
met 'n koue hart tot die môre-uur
drink ek teen die vuur in my kop
en ek voel die koue, ek voel die vuur
vreet my stuk-stuk op

daar's te veel met die wêreld gefoeter
daar's te veel met die mense gemors

en ek drink en ek dink aan die soeter
wyn teen die groter dors
met 'n koue hart tot die môre-uur
drink ek teen die vuur in my kop
en ek voel die koue, ek voel die vuur
vreet my stuk-stuk op

en die helde na al die geploeter
lê diep in die aarde se kors

en ek drink en ek dink aan die soeter
wyn teen die groter dors
met 'n koue hart tot die môre-uur
drink ek teen die vuur in my kop
en ek voel die koue, ek voel die vuur
vreet my stuk-stuk op

vreet my stuk-stuk op
vreet my stuk-stuk op

1 comment:

  1. It is my first time i visit here. I found so many entertaining stuff in your blog, especially its discussion. From the tons of comments on your articles, I guess I am not the only one having all the leisure here! Keep up the excellent work.
    Tobacco Machines

    ReplyDelete