Thursday, 9 June 2011

Woorde van Skielik is jy vry - Koos Du Plessis

As niemand van jou hoor nie;
as niemand van jou weet nie,
kan jy tog niks verloor nie--
kan niemand jou vergeet nie.

As niemand jou bemin nie;
as niemand jou ooit raak nie,
kan niemand trou versin nie--
kan niemand jou versaak nie.

Dis tog so eenvoudig:
Disjy, alleenlik jy;
en die groter sorge gaan vanself verby.
Niks om te verhaal nie;
net die vrede bly;
niks om te betaal nie--
en skielik is jy vry.

As jy op niemand leun nie
en niks van iemand vra nie,
hoef niemand jou te steun nie;
hoef niemand jou te dra nie.

Dis tog so eenvoudig:
Disjy, alleenlik jy;
en die groter sorge gaan vanself verby.
Niks om te verhaal nie;
net die vrede bly;
niks om te betaal nie--
en skielik is jy vry.

1 comment:

  1. Thanks for writing such a good article, I stumbled onto your blog and read a few post. I like your style of writing...
    Tobacco Machinery

    ReplyDelete